CAAFIYE – Waxaan ahmiyadda saarnaa bixinta caafimaadka casriga. Waxaan u aragnaa jirkaaga in uu yahay mid hal nidaam oo dhameystiran oo isla wada shaqeeya, ee uma aragno qaybo kala go’an. Haddii aad qabto xanuun ama xaalad caafimaad, ma daaweyno oo keliya astaamaha iyo calaamadaha muuqda—waxaan baarnaa sida xaaladaas caafimaad ay ugu xiran tahay jirkaaga oo dhan, hab-nololeedkaaga, iyo caafimaadkaaga maskaxeed. Ogaaw, jirka binu aadamka waa mid is wata oo caafimaadkaaguna uu yahay mid isla wada socda ee ma ahan qeybo kala duuduuwan. 

Sannadkii 2019, ka dib in ka badan 15 sano oo aan ka soo shaqeeyay caafimaadka dalal kala duwan, waxaan go’aan ku gaaray inaan aasaaso Caafiye—rug caafimaad oo online ah oo loogu talagalay bixinta talo caafimaad iyo daryeel caafimaad oo dhammaystiran, oo qofka qaas u ah. Intaan ku guda jiray shaqadeyda caafimaadka, waxaan arkay caqabado badan oo dib u dhigta tayada caafimaadka sida: wakhti sugitaanka oo dheer, dad badan oo ku dhib ah inay markasta gaari u raacaan xarumaha caafimaadka, watqiga bixinta la talinta caafimaad oo aad u yar, iyo in uusan jirin daryeel caafimaad oo u qaas ah qofka xanuunsan inuu helo. Bukaanno badan, gaar ahaan kuwa qaba cudurrada daba-dheeraada waxey ku dhibtoodaan inay helaan daryeel isku buuxa oo tayo leh, waxeyna inta badan wajahaan talooyin caafimaad oo is-diiddan oo aan xal waxtar leh keenin.

Sidaas darteed ayaa igu kaliftay inaan aasaaso CAAFIYE qaas u ah bulshadda Soomaaliyeed oo aan weli heli caafimaadka casriga ah.  Waxbarashadeyda iyo shaqooyinka aan soo qabtay waxaad ka arki kartaa page keyga LinkedIn